Թիվ ՍնԴ/3600/04/22 սնանկության գործով ՀՀ Սնանկության դատարանի 26.10.2026թ.-ին կայացված որոշմամբ սահմանվել է՝ թույլատրել կառավարչին <<Հենակետ>> ՓԲԸ-ին պատկանող, պարտատեր <<Կուրատոր>> ՍՊԸ-ին ի պահ հանձնված գույքերի հրապարակային սակարկություններով վաճառքը: Պարտապան <<Հենակետ>> ՓԲԸ-ի սնանկության գործով կառավարիչ Արտաշես Փարսադանյանի կողմից կազմակերպվող
Listing details
- Listing type
- Auctions
- Тип имущества
- Здание / помещение
- Номер записи
- 2d80009c-ed8d-468c-84dd-c1ddad1d94bc:1
- Стартовая цена
- 10 628 700 ֏
- Начало торгов
- 2026-12-02T12:30:00+04:00
- Status
- Ожидается
- Last checked
- 09.11.2026 13:43
Description
Թիվ ՍնԴ/3600/04/22 սնանկության գործով ՀՀ Սնանկության դատարանի 26.10.2026թ.-ին կայացված որոշմամբ սահմանվել է՝ թույլատրել կառավարչին <<Հենակետ>> ՓԲԸ-ին պատկանող, պարտատեր <<Կուրատոր>> ՍՊԸ-ին ի պահ հանձնված գույքերի հրապարակային սակարկություններով վաճառքը: Պարտապան <<Հենակետ>> ՓԲԸ-ի սնանկության գործով կառավարիչ Արտաշես Փարսադանյանի կողմից կազմակերպվող՝ <<Հենակետ>> ՓԲԸ-ին պատկանող շարժական գույքերի հրապարակային սակարկությունների միջոցով կազմակերպվող աճուրդը կանցկացվի 02.12.2026թ.-ին ժամը 12:30-ին, ՀՀ, ք. Երևան, Արշակունյաց պողոտա, 5 շենք, 1-ին հարկ, թիվ 109 սենյակ հասցեում: Պարտապան <<Հենակետ>> ՓԲԸ-ին պատկանող թվով 37 անվանում շարժական գույքը ներկայացվում է բաց դասական եղանակով աճուրդ-վաճառքի, թվով 1 լոտով: Լոտի մեկնարկային գինը՝ 10.628.700 ՀՀ դրամ է: Աճուրդի ներկայացվող գույքերի ցանկը, բնութագրերը, գույքի վերաբերյալ այլ տեղեկությունները ներառող ֆայլը կցված է սույն հայտարարությանը։ Աճուրդին մասնակցելու ցանկություն ունեցողները սույն հայտարարության հրապարակման օրվանից հետո, բայց ոչ ուշ, քան աճուրդի անցկացման օրվանից հինգ աշխատանքային օր առաջ, կարող են աճուրդի մասնակցության հայտ /այսուհետ՝ Հայտ/ ներկայացնել ՀՀ սնանկության դատարանի գրասենյակ /հասցե՝ ՀՀ, ք. Երևան, Օտյան 53/2/: Հայտի ձևը, բովանդակությունը, ներկայացման կարգը և հայտին կցվող փաստաթղթերը սահմանված են ՀՀ արդարադատության նախարարի 16.03.2020թ. թիվ 116-Ն հրամանով հաստատված՝ «Պարտապանին պատկանող գույքը հրապարակային սակարկություններով վաճառելու» կարգով: Նույն կարգը հանդիսանում և հիմք է ընդունվում որպես սույն աճուրդի կանոնակարգ, որով և կանոնակարգվում են սույն աճուրդի կազմակերպման և անցկացման հետ կապված հարաբերությունները: Հայտում այլ դրույթներից բացի պարտադիր նշվում է հայտատուի էլեկտրոնային փոստի հասցեն, և հայտատուին ուղղված՝ աճուրդի վերաբերյալ ծանուցումներն իրականացվում են հայտում ներկայացված էլեկտրոնային փոստի հասցեի միջոցով։ Աճուրդին մասնակցելու համար, Հայտին կից, ի թիվս վերոնշյալ կարգում նշված փաստաթղթերի, պետք է ներկայացվեն` ա) ֆիզիկական անձի դեպքում` անձնագրի պատճեն, անհատ ձեռնարկատեր հայտատուների դեպքում՝ պետական հաշվառումը հավաստող փաստաթղթի և անձը հաստատող փաստաթղթի պատճենները, իսկ տեղական ինքնակառավարման մարմինների և իրավաբանական անձանց դեպքում` պետական գրանցումը հավաստող փաստաթղթի և կանոնադրության, ինչպես նաև իրավաբանական անձի և տեղական ինքնակառավարման մարմինների ներկայացուցչի անձը հաստատող փաստաթղթի պատճենները, լիազորագիր, եթե հայտատուն հանդես է գալիս լիազորված անձի ﬕջոցով, բ) աճուրդի մասնակցության վճարի և նախավճարի սնանկության հատուկ հաշվին վճարումը հաստատող անդորրագրերը: Մասնակցության վճարը և նախավճարը կազմում են լոտի մեկնարկային գնի համապատասխանաբար 1 տոկոսը, բայց ոչ ավել, քան նվազագույն աշխատավարձի երեքհարյուրապատիկի չափով և 5 տոկոսը: Աճուրդի մասնակցության վճարը և նախավճարը անհրաժեշտ է վճարել <<Արդշինբանկ>> ՓԲԸ-ում պարտապան <<Հենակետ>> ՓԲԸ-ի սնանկության գործով բացված թիվ 2473608240790000 հատուկ հաշվին՝ մինչև Հայտ ներկայացնելը: Հայտը համարվում է աճուրդի կանոնակարգի խախտմամբ ներկայացված, և այն ներկայացնող հայտատուն աճուրդին մասնակցելու իրավունք չի ստանում և որպես աճուրդի մասնակից չի գրանցվում կանոնակարգի 18-րդ կետով նախատեսված դեպքում։ Հայտատուների գրանցումը սկսվում է աճուրդից 15 րոպե առաջ։ Հայտ ներկայացրած անձինք աճուրդին պետք է ներկայանան անձը հաստատող փաստաթղթով, իսկ լիազորված անձի մասնակցության դեպքում՝ լիազորությունները հաստատող (հավաստող) պատշաճ վավերացված փաստաթղթով, լիազորագրով: Աճուրդն անցկացվում է բաց դասական եղանակով՝ հաղթող է համարվում առավել բարձր գին առաջարկած մասնակիցը: Աճուրդում հաղթած և աճուրդի արդյունքների մասին արձանագրությունը ստորագրած անձը պարտավոր է վճարել լոտի վաճառքի գինը արձանագրությունը ստորագրելուց հետո ՝ տասն օրվա ընթացքում պարտապանի սնանկության հատուկ հաշվին՝ նվազեցնելով վճարված նախավճարի չափը: Նշված ժամկետում վաճառքի գինն ամբողջությամբ չվճարելու դեպքում աճուրդը համարվում է չկայացած, իսկ աճուրդի հաղթողի կողﬕց վճարված նախավճարը և մասնակցության վճարը չեն վերադարձվում: Աճուրդին մասնակցելու, անհրաժեշտության դեպքում՝ առուվաճառքի պայմանագրի կնքման, դրանից ծագող իրավունքների պետական գրանցման և/կամ գնված գույքն ուրիշի տիրապետումից հետ պահանջելու և/կամ գույքը գնորդի փաստացի տիրապետմանն անցնելու հետ կապված գործողություններն ու դրանց առնչվող բոլոր ծախսերը, առուվաճառքի պայմանագրի կնքման համար անհրաժեշտ և առուվաճառքի պայմանագրից բխող բոլոր այլ (ցանկացած տեսակի) ծախսերը կատարվում են աճուրդի հաղթողի կողմից: Լոտի ուսումնասիրության, լոտի վերաբերյալ այլ տեղեկություններ ստանալու կամ աճուրդին առնչվող ցանկացած այլ հարցով կարող եք աշխատանքային օրերին և ժամերին դիմել սնանկության գործով կառավարիչ` Ա. Փարսադանյանին, հեռ. (091) 494059: Աճուրդը կազմակերպվում և անցկացվում է ՀՀ Արդարադատության նախարարի 16.03.2020թ.-ի թիվ 116-Ն հրամանով սահմանված կարգին համապատասխան: